點解大家吹，同點解唔吹複音呀？

係香港，相信有不少人都因為複音價錢平，所以開始學口琴時都由複音口琴開始。

而又有不少人會學複音一段時間後，儲錢買琴轉吹半音階。但係一旦佢地轉吹半音後就唔會再吹複音。

唔通複音只係進階到半音的一個階段？而係宜家香港咁富裕o既環境下，好多人都可以買得起相對較貴的半音階口琴，一學就學半音階…

唔通複音口琴最終會係香港消失，會被淘汰？

大家對複音口琴的印象只係咁？？？

本人覺得香港及內地仍然有很多人學複音口琴, 半音階口琴和複音口琴的玩法是不同, 演奏出來的效果及味道亦有不同, 大家各有長處. 應該不存在會被淘汰的問題

各有長處，我3種都有玩

小弟只玩複音口琴,由小時候就開始雖然吹的唔叻但始終都係覺得複音口琴好

我都係從小吹複音口琴。所以想同大家討論一下複音口琴的。

其實玩複音口琴玩耐左一定比玩半音階口琴駛得多錢…複音口琴並唔係便宜的玩意…
可能大家都知道複音口琴要吹sharp或flat時都要用上兩支口琴，覺得這是一個麻煩的舉動。一支半音階更方便。

的確這是一個令人對複音口琴卻步的原因之一。但我覺得這亦都正只複音口琴有優勢的地方。
先不談優勢可來，辛苦練兩支琴是否有價值。先先有另外一個問題就係錢…我覺得一支複音口琴並不是一件完全的樂器。在我而言，複音口琴就好比將一座鋼琴拆散黎賣咁。

多數人知道複音口琴要拎兩支才有晒所有音(C major & C# major)。其實剩係major複音口琴都可以有14支。12key+LD & LD#(tombo)。

不過唔止，複音口琴仲有minor的。仲要同樣係12個key+LDm & LD#m(tombo)。

仲唔止的是冇乜人知道完來仲有nature minor的…所以如果整晒12個key的major、minor、nature minor都起碼要36隻…這個價錢不會比玩其他正統樂器低…這樣想，便宜完全不是玩複音口琴的一個原因…

我想大家知道後冇人會想玩複音，但係我覺得吹複音係要有必要買咁多琴的。起碼越多越好。向好的方向諗，起碼可以分開一隻一隻買。當分期買一件樂器囉……

我都係從小吹複音口琴。所以想同大家討論一下複音口琴的。

其實玩複音口琴玩耐左一定比玩半音階口琴駛得多 ...
Red_Tea 發表於 2013-4-29 02:44

    很同意呢位師兄的觀點
因為好多時間都唔係一支複音就搞得掂好多時都要兩支或以上先吹到晒

不過一個不是專業的我只為自娛所以通常只得一支在身,但家中複音口琴就有四支…不同音階的

複音口琴两孔一音聲亮易吹奏,引領初學淺嘗所喜歌曲奏.
先毋理深進技探討,一琴在手自奏樂融融也夠.
藍調10孔,複音及半音階,若欲深進需先研樂理探究.
否則用錢多購琴具也只是泿費来擺秀.